JavaScript must be enabled in order for you to use the Site in standard view. However, it seems JavaScript is either disabled or not supported by your browser. To use standard view, enable JavaScript by changing your browser options.

| Last Updated:19/09/2019

Latest News

Archive

കെ എസ് ഇ ബി കണക്ഷൻ ഇല്ലാത്ത വീട്, മാതൃകയാക്കാം മനോഹറിൻറെ വിജയകഥ (Source: Malayala Manorama 22-04-2019)

 

 

കോഴിക്കോട്  കാക്കൂരിലുള്ള മനോഹറിന്റെ  വീടിനു 6300  ചതുരാശ്രയടിയുണ്ട്.  അകത്തേക്ക് കയറിയാലോ നിരവധി ലൈറ്റുകൾ , ഫാൻ , എസി  എല്ലാമുണ്ട് . വിശാലമായ ഉദ്യാനം നനയ്ക്കാൻ തന്നെ 5 മോട്ടറുകളുണ്ട്. ഗാർഹിക ആവശ്യത്തിനു 2 മോട്ടറുകൾ വേറെയും. രാത്രിയാകുമ്പോൾ വീട് ലൈറ്റുകളുടെ പ്രഭാവലയത്തിൽ കുളിച്ചു നില്കും. പുറമേ പോകുന്ന ആരും അസൂയയോടെ ആത്മഗതം ചെയ്യും, കറൻറ് ബിൽ വരുമ്പോൾ പഠിച്ചോളും എന്ന്.  അവിടെയാണ് ട്വിസ്റ്റ് . വീട്ടിൽ കറൻറ്  കണക്ഷൻ എടുത്തിട്ടില്ല!  പൂർണമായും സൗരോർജ്ജത്തിലാണ് വീട് പ്രവർത്തിക്കുന്നത് . കഥ  മനോഹർ പങ്കുവെയ്ക്കുന്നു.

പ്രചോദനം ---------

കണ്ണൂർ ഇരിക്കൂർ എന്ന സ്ഥലത്തു ഞാൻ ഒരു സ്കൂൾ നടത്തുന്നുണ്ട് . സ്കൂളിലെ ഒരു കെട്ടിടം പൂർണമായും സോളാർ വൈദ്യുതിയിലാണ്  പ്രവർത്തിക്കുന്നത് . ഏകദേശം പത്തു ക്ലാസ് മുറികളിലെ ലൈറ്റ് , ഫാൻ , കംപ്യൂട്ടർ ലാബ് എല്ലാം പ്രവർത്തിക്കാനുള്ള ഊർജം  സൂര്യനിൽ നിന്നും ലഭിക്കുന്നു . ബ്ലോക്കിൽ കെ  എസ് ബി  കണക്ഷൻ എടുത്തിട്ടില്ലാത്ത. എട്ടു കൊല്ലം മുൻപ് പരീക്ഷണാടിസ്ഥാനത്തിൽ ചെയ്ത പദ്ധതിയുടെ വിജയമാണ് പുതുതായി വീട് പണിതപ്പോൾ പൂർണമായി സോളാറിലേക്ക് മാറാൻ പ്രചോദനമായത്.

 

ഉൽപാദനം.........

10 KW  ഉല്പാദനശേഷിയുള്ള പാനലുകളാണ് സ്ഥാപിച്ചത് . സർക്കാർ നുകൂല്യങ്ങൾ ഒന്നും കൈപ്പറ്റാതെയാണ് പ്ലാന്റ് സ്ഥാപിച്ചത് . ഏകദേശം  6 .5  ലക്ഷം രൂപയായി . ഗുണനിലവാരത്തിൽ വിട്ടുവീഴ്ച ചെയ്യാഞ്ഞതുകൊണ്ടാണ് ചെലവ് കൂടിയത് .

 

പാനസോണിക്കിന്റെ പാനലുകളും MROTech  ഇൻവെർട്ടറുമാണ് സ്ഥാപിച്ചത് . മൂന്ന് ലക്ഷം രൂപയിൽ സംഭരണശേഷിയുള്ള ചെറുകിട  കമ്പനികളുടെപാനലും ഇൻവെർട്ടറും സ്ഥാപിക്കാൻ കഴിയും . പുരപ്പുറത്ത് വീഴുന്ന വെള്ളം സംഭരിക്കാനും കിണർ റീചാർജ് ചെയ്യാനുമുള്ള സൗകര്യങ്ങളും മാലിന്യ സംസ്കരണ സംവിധാനവും വീട്ടിൽ ഒരുക്കിയിട്ടുണ്ട്.

 

 

 

ദീർഘകാലാടിസ്ഥാനത്തിൽ നോക്കുകയാണെങ്കിൽ ലാഭകരമാണ് . താല്പര്യമുള്ളവർക്ക് ഓൺഗ്രിഡ് സംവിധാനത്തിലൂടെ മിച്ചം വരുന്ന വൈദ്യുതി  കെ എസ്  ബി ക്ക് നൽകി പണം നേടുകയും ചെയ്യാം . സർക്കാർ സംവിധാനങ്ങൾ വഴി സബ്സിഡിയും ലഭിക്കും.

 

വർഷം മുഴുവൻ മുടങ്ങാതെ ഊർജ ലഭ്യത പ്രകൃതി സൗഹൃദമായ , മലിനീകരണം  ഇല്ലാത്ത ഊർജം . സോളാർ വൈദ്യുതി താരതമ്യേന സുരക്ഷിതമാണ് . ഇടിമിന്നൽ , ഷോർട്ട്  സർക്യൂട്ട് , വോൾട്ടേജ് വ്യതിയാനങ്ങൾ പതിവാണ് . സോളാറിലേക്ക് മാറിയാൽ ഇത്തരം പ്രശ്നങ്ങൾ നല്ലൊരു പരിധിവരെ ഒഴിവാക്കാം . 

പരിപാലനം -----

 

 

സോളാർ പാനലുകളിലെ പൊടി തുടച്ചു വൃത്തിയാക്കണം , ഇത്  പാനലുകളുടെ കാര്യക്ഷമത നിലനിർത്താൻ  അനിവാര്യമാണ് . നാലോ അഞ്ചോ മാസം കൂടുമ്പോൾ ബാറ്ററിയിലെ വെള്ളത്തിന്റെ  അളവ് പരിശോധിച്ചുറപ്പ് വരുത്തണം . നിരവധി ആളുകൾ തന്റെ വീടിന്റെ മാതൃക പിന്തുടർന്ന് സൗരോർജത്തിലേക്ക് മാറിയെന്നു പറയുമ്പോൾ മനോഹറിന്റെ കണ്ണുകളിൽ  ചാരിതാർത്ഥ്യം  നിറയുന്നു .