പരിസ്ഥിതി സാങ്കേതിക വിവരണ കേന്ദ്രം:-കേരള
പരിസ്ഥിതി സംബന്ധമായ വിഷയങ്ങളെ കുറിച്ച്

                        2021-22ൽ സംസ്ഥാനത്തെ മൊത്തം കൃഷിഭൂമിയായ 25.23 ലക്ഷം ഹെക്ടറില്‍ 10.51 ശതമാനത്തില്‍ ഭക്ഷ്യ വിളകളായ നെല്ല്, പയർവർഗ്ഗങ്ങൾ, മരച്ചീനി, റാഗി, ചെറു ധാന്യങ്ങള്‍, മധുരക്കിഴങ്ങ് എന്നിവ കൃഷി ചെയ്യുന്നു. 2020-21 നെ അപേക്ഷിച്ച് ചെറുധാന്യങ്ങള്‍ ഒഴികെ മറ്റു ഭക്ഷ്യവിളകളുടെ ഉൽപ്പാദനത്തില്‍ ഇടിവുണ്ടായി. ഏലം, ഇഞ്ചി ഒഴികെ മറ്റെല്ലാ സുഗന്ധ വ്യഞ്ജനങ്ങളുടെ ഉത്പാദനത്തില്‍ 2021-22 ല്‍ കുറവ് രേഖപ്പെടുത്തി. ഇഞ്ചി, ഏലം എന്നിവയുടെ ഉൽപ്പാദനത്തില്‍ യഥാക്രമം 6.5 ശതമാനവും 3.4 ശതമാനവും വർദ്ധതനവ് രേഖപ്പെടുത്തി. തോട്ടവിളകളില്‍ കാപ്പി, റബ്ബര്‍, ഏലം എന്നിവയുടെ ഉൽപ്പാമദനം യഥാക്രമം 1.97 ശതമാനം, 7.14 ശതമാനം, 3.4 ശതമാനം എന്നിങ്ങനെ വർദ്ധിച്ചപ്പോള്‍ തേയിലയുടെ ഉൽപ്പാദനം 2020-21ല്‍ നിന്നും 9.7 ശതമാനം കുറവ് രേഖപ്പെടുത്തി. നാളീകേരത്തിന്റെ ഉൽപ്പാാദനവും ഉൽപ്പാദനക്ഷമതയും യഥാക്രമം 15.6 ശതമാനവും, 16 ശതമാനവും വർദ്ധിച്ചു. സംസ്ഥാനത്തെ മൊത്തം കൃഷി വിസ്തൃതിയുടെ 65.8 ശതമാനം കശുവണ്ടി, റബ്ബര്‍, കുരുമുളക്, ഏലം, കാപ്പി എന്നിവ ഉൾപ്പെ ടുന്ന നാണ്യവിളകളാണ്. റബ്ബര്‍, കാപ്പി, തേയില, ഏലം എന്നിവ, മൊത്തം കൃഷി വിസ്തൃതിയുടെ 28.2 ശതമാനമാണ്. മൊത്തം കൃഷി വിസ്തൃതിയുടെ 30 ശതമാനം തെങ്ങ് കൃഷിയും, തുടര്‍ന്ന് 21.8 ശതമാനം റബ്ബര്‍ കൃഷിയുമായിരുന്നു. നെല്കൃ ഷിവിസ്തൃതി മൊത്തം കൃഷി വിസ്തൃതിയുടെ 7.69 ശതമാനം ആയിരുന്നു.

നെല്ല്:

നെല്ല് - ഉല്പാദനം , വിസ്തീർണ്ണം, ഉല്പാദനക്ഷമത 2012-20

                 2021-22ൽ സംസ്ഥാനത്തെ നെല്കൃഷിയുടെ (നെൽവയൽ) വിസ്തൃതി 1.94 ലക്ഷം ഹെക്ടറായി കുറഞ്ഞു. 2020-21 നെ അപേക്ഷിച്ച് നെൽകൃഷി വിസ്തൃതിയിൽ 3.9 ശതമാനം കുറവാണ് ഉണ്ടായിട്ടുള്ളത്. ഈ കാലയളവിൽ ഉൽപ്പാദനം 5.59 ലക്ഷം ടണ്ണും ഉൽപ്പാദനക്ഷമത ഹെക്ടറിനു 2884 കിലോഗ്രാമും രേഖപ്പെടുത്തി. ഇത് മുൻവർഷത്തെ അപേക്ഷിച്ച് യഥാക്രമം 10.7 ശതമാനവും 7.1 ശതമാനവും കുറവാണ് (അവലംബം:സംസ്ഥാന സാമ്പത്തിക സ്ഥിതി വിവരകണക്ക് വകുപ്പ് 2022). 2021-22ൽ സംസ്ഥാനത്തെ മൊത്തം കൃഷി വിസ്തൃതിയുടെ 7.69 ശതമാനം നെൽകൃഷിയായിരുന്നു. കഴിഞ്ഞ ദശാബ്ദക്കാലത്തെ നെൽകൃഷി വിസ്തൃതി വിശകലനം ചെയ്യുമ്പോൾ നെൽകൃഷി വിസ്തൃതി ഏറ്റവും കൂടുതൽ രേഖപ്പെടുത്തിയിട്ടുള്ളത് 2020-21 ലാണെന്നു കാണാം. 2020-21ൽ നെൽകൃഷി വിസ്തൃതി 2.02 ലക്ഷം ഹെക്ടറും ഉൽപ്പാദനം 6.27 ലക്ഷം ടൺ ആയിരുന്നു. ഉൽപ്പാദനത്തിലും ഉൽപ്പാദനക്ഷമതയിലും 2017-18 മുതൽ കാണപ്പെട്ട ക്രമാനുഗതമായ വർദ്ധനവ് 2021-22 ൽ കുറവ് രേഖപ്പെടുത്തി .

                  2021-22ൽ വിരിപ്പ് (ശരത്കാലം) മുണ്ടകന് (ശീതകാലം) സീസണുകളിൽ നെൽകൃഷി വിസ്തൃതി മുൻവർഷത്തെ അപേക്ഷിച്ച് കുറയുകയും, പുഞ്ച (വേനൽ) കൃഷി വിസ്തൃതി കൂടുകയും ചെയ്തു. മൂന്നു സീസണുകളിലും നെല്ലിന്റെ ഉൽപ്പാദനവും, ഉൽപ്പാദനക്ഷമതയും കുറഞ്ഞു. കഴിഞ്ഞ രണ്ടു വർഷത്തിൽ നിന്നും വ്യത്യസ്തമായി 2021-22 ൽ മുണ്ടകന് കൃഷിയിലാണ് ഉയർന്ന ഉൽപ്പാദനക്ഷമത ലഭിച്ചത്. ഇത് ഹെക്ടറിനു 3066 കി.ഗ്രാം രേഖപ്പെടുത്തിയെങ്കിലും കഴിഞ്ഞ വർഷത്തെ അപേക്ഷിച്ച് മുണ്ടകന് കൃഷിയിലെ ഉൽപ്പാദനക്ഷമത 3.12 ശതമാനം കുറവായിരുന്നു.

                  2021-22 വർഷത്തിൽ സംസ്ഥാനത്തെ നെൽകൃഷി വിസ്തൃതിയുടെ 44 ശതമാനവും മുണ്ടകൻ കൃഷിയായിരുന്നു. ഇതിൽ 62.8 ശതമാനവും പാലക്കാട്, തൃശ്ശൂർ ജില്ലകളിലായിരുന്നു. വിരിപ്പ് കൃഷി വിസ്തൃതിയുടെ 78 ശതമാനവും ആലപ്പുഴ, പാലക്കാട് ജില്ലകളിലായിരുന്നു. ഇതിൽ 69 ശതമാനവും പാലക്കാട് ജില്ലയിലായിരുന്നു. ആലപ്പുഴ ജില്ലയിൽ പുഞ്ചകൃഷിക്കും പാലക്കാട് ജില്ലയിൽ മുണ്ടകൻ കൃഷിക്കും വിരിപ്പു കൃഷിക്കുമായിരുന്നു പ്രാധാന്യം.

                  സംസ്ഥാനത്തെ മൊത്തം നെൽകൃഷി വിസ്തൃതിയിൽ 79 ശതമാനവും പാലക്കാട് (39 ശതമാനം), ആലപ്പുഴ (18.8 ശതമാനം), തൃശ്ശൂർ (12 ശതമാനം), കോട്ടയം (9.1 ശതമാനം) ജില്ലകളിലായിരുന്നു. സംസ്ഥാനത്തെ മൊത്തം നെല്ലുല്പ്പാദനത്തിൽ 82 ശതമാനവും ഈ ജില്ലകളിൽ നിന്നുമായിരുന്നു. മലപ്പുറം, വയനാട് ഒഴികെ മറ്റെല്ലാ ജില്ലകളിലും 2020-21 നെ അപേക്ഷിച്ച് നെൽകൃഷി വിസ്തൃതിയിൽ കുറവ് രേഖപ്പെടുത്തി.നെൽകൃഷി വിസ്തൃതിയിലും ഉല്പ്പാദനത്തിലും പാലക്കാട് ജില്ല ഒന്നാം സ്ഥാനത്തും ആലപ്പുഴ ജില്ല രണ്ടാം സ്ഥാനത്തുമാണ്. എന്നാൽ ഉല്പ്പാദനക്ഷമതയിൽ മലപ്പുറം ജില്ലയായിരുന്നു മുൻപന്തിയിൽ തുടർന്ന് പാലക്കാട് ജില്ലയും. 2021-22 വര്ഷത്തിൽ മലപ്പുറം ഒഴികെ എല്ലാ ജില്ലകളിലും നെല്ലുല്പ്പാദനം കുറഞ്ഞു. സംസ്ഥാനത്തെ പ്രധാന നെല്ലുല്പ്പാദന ജില്ലകളിലൊന്നായ ആലപ്പുഴയിൽ, 2020-21 വർഷത്തെ അപേക്ഷിച്ച് ഉല്പ്പാദനവും ഉല്പ്പാദനക്ഷമതയും (നെല്വയല്) യഥാക്രമം 25 ശതമാനവും 18 ശതമാനവും കുറഞ്ഞു . നെല്‍വയല്‍ കൃഷിക്കു പുറമേ 1,784 ഹെക്ടര്‍ പ്രദേശത്ത് കരനെല്‍ കൃഷി നടപ്പിലാക്കുകയും 2,761 ടണ്‍ ഉല്‍പ്പാദനം നടക്കുകയും ചെയ്തു. ഹെക്ടറിനു 1,548 കിലോഗ്രാമായിരുന്നു കരനെല്‍കൃഷിയുടെ ഉല്‍പ്പാദനക്ഷമത. മുന്‍ വര്‍ഷങ്ങളെ അപേക്ഷിച്ച് കരനെല്‍കൃഷി 3,175 ഹെക്ടറിൽ നിന്നും 1,784 ഹെക്ടറായി കുറഞ്ഞു.       

 നാളികേരം: 

നാളികേരം- ഉല്പാദനം , വിസ്തീർണ്ണം, ഉല്പാദനക്ഷമത 2013-20

                 2021-22 ലെ രണ്ടാമത്തെ മുന്‍കൂര്‍ എസ്റ്റിമേറ്റ് പ്രകാരം (കാര്‍ഷിക വികസന കര്‍ഷക ക്ഷേമ മന്ത്രാലയം), രാജ്യത്തെ തെങ്ങ് കൃഷിയുടെ വിസ്തൃതി 21.10 ലക്ഷം ഹെക്ടറായിരുന്നു. ഉല്‍പ്പാദനവും ഉല്‍പ്പാദനക്ഷമതയും യഥാക്രമം 19,247 ദശലക്ഷം നാളികേരവും ഹെക്ടറിന് 9123 നാളികേരവുമായിരുന്നു. മൊത്തം തെങ്ങ് കൃഷി വിസ്തൃതിയുടെ 89 ശതമാനവും ഉല്‍പ്പാദനത്തിന്റെ 91 ശതമാനവും നാളികേര കൃഷിയ്ക്ക് പ്രാധാന്യമുള്ള തെക്കന്‍ സംസ്ഥാനങ്ങളായ തമിഴ്‍നാട്, കേരളം, കര്‍ണാടക, ആന്ധ്രാപ്രദേശ് എന്നിവ സംഭാവന ചെയ്യുന്നു. 2020-21 നെ അപേക്ഷിച്ച് 2021-22ല്‍ രാജ്യത്തെ തെങ്ങ് കൃഷി വിസ്തൃതി, ഉല്‍പ്പാദനം, ഉല്‍പ്പാദനക്ഷമത എന്നിവ കുറഞ്ഞു. ‘ഗജ’ ചുഴലിക്കാറ്റും വരള്‍ച്ചയും മൂലമുള്ള പ്രതികൂല കാലാവസ്ഥയും തെങ്ങ് കൃഷി ചെയ്യുന്ന പ്രധാന സംസ്ഥാനങ്ങളെ ബാധിക്കുന്ന വെള്ളീച്ച ശല്യവുമാണ് ഇതിനു കാരണമായി കാണുന്നത്. രാജ്യത്ത് തെങ്ങ് കൃഷി ചെയ്യുന്ന സംസ്ഥാനങ്ങളില്‍, ഉല്‍പ്പാദനത്തില്‍ കര്‍ണാടകവും ഉല്‍പ്പാദനക്ഷമതയില്‍ ആന്ധ്രാപ്രദേശും ഒന്നാമതാണ്. തെങ്ങ് കൃഷി വിസ്തൃതിയില്‍ ഒന്നാമതും ഉല്‍പ്പാദനത്തില്‍ മൂന്നാമതുമാണ് കേരളം.               

             നാളികേര വികസന ബോര്‍ഡിന്റെ കണക്കുകള്‍ പ്രകാരം കഴിഞ്ഞ അഞ്ചു വര്‍ഷ കാലത്ത് രാജ്യത്തെ നാളികേര മേഖലയില്‍ ഉല്‍പ്പാദനത്തിലും ഉല്‍പ്പാദനക്ഷമതയിലും ഇടിവുള്ളതായി കാണുന്നു. എന്നാല്‍ 2021-22 ലൊഴികെ കൃഷി വിസ്തൃതിയില്‍ വര്‍ദ്ധനവുണ്ടായിട്ടുണ്ട്. ഉല്‍പ്പാദനവും ഉല്‍പ്പാദനക്ഷമതയും 19 ശതമാനം കുറഞ്ഞു. 2021-22ല്‍ മുന്‍വര്‍ഷത്തെ അപേക്ഷിച്ച് കൃഷി വിസ്തൃതി കുറഞ്ഞെങ്കിലും 2017-18 നെ അപേക്ഷിച്ച് 0.6 ശതമാനം വര്‍ദ്ധനവുണ്ടായിട്ടുണ്ട്.

               2021-22ല്‍ സംസ്ഥാനത്തെ മൊത്തം കൃഷി വിസ്തൃതിയുടെ 30.3 ശതമാനം, അതായത് 7.65 ലക്ഷം ഹെക്ടര്‍ പ്രദേശത്ത് നാളികേരകൃഷി ചെയ്തു. 2021-22 ല്‍ ഉല്‍പ്പാദനവും ഉല്‍പ്പാദനക്ഷമതയും യഥാക്രമം 5,535 ദശലക്ഷം നാളികേരവും, ഹെക്ടറിന് 7,231 നാളികേരവുമായിരുന്നു. മുന്‍ വര്‍ഷത്തെ അപേക്ഷിച്ച് ഉല്‍പ്പാദനവും ഉല്‍പ്പാദനക്ഷമതയും യഥാക്രമം 15.6 ശതമാനവും 16 ശതമാനവും വര്‍ദ്ധിച്ചു.

           കഴിഞ്ഞ അഞ്ചുവര്‍ഷമായി സംസ്ഥാനത്തെ നാളികേര മേഖലയുടെ പ്രകടനം ഏറിയും കുറഞ്ഞുമായിരുന്നു. എന്നിരുന്നാലും 2017-18 നെ അപേക്ഷിച്ച് കൃഷി വിസ്തൃതി, ഉല്‍പ്പാദനം, ഉല്‍പ്പാദനക്ഷമത എന്നിവ യഥാക്രമം 0.65 ശതമാനം, 5.83 ശതമാനം, 5.13 ശതമാനം വര്‍ദ്ധിച്ചു.

             മേഖലയിലെ വെല്ലുവിളികളെ നേരിടുന്നതിനായി ക്ലസ്റ്റര്‍ അടിസ്ഥാനത്തില്‍ തെങ്ങിന്‍തോട്ടങ്ങളുടെ സംയോജിത പരിപാലത്തിനായുള്ള കേരഗ്രാമം, ആവര്‍ത്തന നടീല്‍, പരിപാലനം, ഉല്‍പ്പാദനക്ഷമത വര്‍ദ്ധിപ്പിക്കല്‍, കാര്‍ഷികവ്യവസായ മേഖലയുമായി മുന്നോട്ടുള്ള ബന്ധം ഉറപ്പാക്കല്‍ എന്നീ പ്രചാരണ പരിപാടികളിലൂടെ നാളികേര മിഷന്‍, എന്നിങ്ങനെ കേരളത്തിന്റെ നാളികേര സമ്പത്ത് പുനരുജ്ജീവിപ്പിക്കുന്നതിനുമുള്ള പരിപാടികള്‍ സംസ്ഥാനത്ത് നടപ്പിലാക്കി വരുന്നു. ബഹുമാനപ്പെട്ട മുഖ്യമന്ത്രിയുടെ നിർദ്ദേശപ്രകാരം, 2018-ൽ ബൃഹത്തായ തെങ്ങ് നട്ടുവളർത്തൽ പരിപാടി ആരംഭിച്ചു, ഇത് 2028 വരെ തുടരുന്നതാണ്. സംസ്ഥാനം പ്രോത്സാഹിപ്പിക്കുന്ന ഫാര്‍മര്‍ പ്രൊഡ്യൂസര്‍ ഓര്‍ഗനൈസേഷനുകള്‍ (എഫ്.പി.ഒ) ഉല്‍പ്പന്നങ്ങളുടെ സമാഹരണത്തിനും അതുവഴി ഗതാഗത ചെലവു കുറയ്ക്കുന്നതിനും മൂല്യവര്‍ദ്ധനവ് സഹായകരമാക്കുന്നതിനും ഉതകുന്നു. മികച്ച ഉപോല്‍പ്പന്ന വിനിയോഗത്തിനും കാര്യക്ഷമമായ വിപണത്തിനും അതുവഴി മെച്ചപ്പെട്ട വില കര്‍ഷകര്‍ക്കുറപ്പാക്കുന്നതിനും ഇതു സഹായിക്കുന്നു.

 കുരുമുളക്: 

കുരുമുളക്- ഉല്പാദനം , വിസ്തീർണ്ണം, ഉല്പാദനക്ഷമത 2012-20

             2018-19 മുതല്‍ വര്‍ദ്ധിച്ചുകൊണ്ടിരിക്കുന്ന ആഭ്യന്തര കുരുമുളകുല്‍പ്പാദനം 2021-22 ല്‍ കുത്തനെ കുറഞ്ഞു. സുഗന്ധവ്യഞ്ജന ബോര്‍ഡിന്റെ അഡ്വാന്‍സ് എസ്റ്റിമേറ്റ് പ്രകാരം 2021-22 ലെ ഇന്ത്യയുടെ കുരുമുളക് ഉല്‍പ്പാദനം 60,000 ടണ്ണായി കണക്കാക്കപ്പെട്ടിരിക്കുന്നു. ഇത് 2020-21ല്‍ രേഖപ്പെടുത്തിയ 65,000 ടണ്ണില്‍ നിന്നും ഇടിവാണ് കാണിക്കുന്നത്. കുരുമുളകിന്റെ കൃഷി വിസ്തൃതിയിലും ഉല്‍പ്പാദനത്തിലും കര്‍ണ്ണാടകം ഒന്നാം സ്ഥാനത്തും, കേരളം തൊട്ടു പിന്നിലുമാണ്.

                 സംസ്ഥാന സാമ്പത്തിക സ്ഥിതിവിവര വകുപ്പിന്റെ കണക്കുകള്‍ പ്രകാരം 2020-21 നെ അപേക്ഷിച്ച് 2021-22 ല്‍ സംസ്ഥാനത്തെ കുരുമുളക് ഉല്‍പ്പാദനത്തിലും വിസ്തൃതിയിലും കുറവു രേഖപ്പെടുത്തി. കുരുമുളകിന്റെ ഉല്‍പ്പാദനം 3.2 ശതമാനം കുറഞ്ഞ് 32,516 ടണ്ണായി രേഖപ്പെടുത്തി. 76,351 ഹെക്ടര്‍ പ്രദേശത്താണ് കുരുമുളക് കൃഷി നടത്തിയത് (അനുബന്ധം 3.1.14). എന്നാല്‍ ഈ കാലയളവില്‍ ഉല്‍പ്പാദനക്ഷമത ഹെക്ടറിന് 409 കിലോഗ്രാം എന്നതില്‍ നിന്നും 429 കിലോഗ്രാമായി വര്‍ദ്ധിച്ചു.

               2016 മുതല്‍ കുരുമുളകിന്റെ ആഭ്യന്തര വില കുറയുന്നതായി യുണൈറ്റഡ് പ്ലാന്റേഴ്‍സ് അസോസിയേഷന്‍ ഓഫ് സൗത്ത് ഇന്ത്യയുടെ (യു.പി.എ.എസ്.ഐ) റിപ്പോര്‍ട്ടു സൂചിപ്പിക്കുന്നു. 2020ല്‍ കിലോയ്ക്ക് 697.69 രൂപയില്‍ നിന്നും 336.47 രൂപയായി വില കുറഞ്ഞു. എന്നാല്‍ 2021 ല്‍ കുരുമുളക് വില കിലോയ്ക്ക് 419.44 രൂപയായി വര്‍ദ്ധിച്ചു. കഴിഞ്ഞ അഞ്ചു വര്‍ഷങ്ങളില്‍ 2021-22 ല്‍ കുരുമുളക് കയറ്റുമതി ഏറ്റവും ഉയര്‍ന്ന് 21,860 ടണ്ണായി രേഖപ്പെടുത്തി. 2021-22ല്‍ മൊത്തം കൈവരിച്ച മൂല്യം 753.31 കോടി രൂപയും യൂണിറ്റ് മൂല്യം കിലോഗ്രാമിന് 344.56 രൂപയുമായിരുന്നു. ഇത് 2020-21 നെ അപേക്ഷിച്ച് കൈവരിച്ച മൂല്യത്തില്‍ 182.63 കോടി രൂപയും യൂണിറ്റ് മൂല്യത്തില്‍ കിലോയ്ക്ക് 58.93 രൂപയും കൂടുതലാണ്. കുരുമുളക് ഉല്‍പ്പാദനം മെച്ചപ്പെടുത്തുന്നതിനായി സംയോജിത കുരുമുളക് വികസനവും കുരുമുളക് പുനരുജ്ജീവന പരിപാടികളും സംസ്ഥാനം പ്രോല്‍സാഹിപ്പിക്കുന്നു. വിളവെടുപ്പിനുശേഷമുള്ള പ്രവര്‍ത്തനങ്ങള്‍ ശുചിത്വപൂര്‍ണ്ണമാക്കുക, മൂല്യവര്‍ദ്ധന പ്രവര്‍ത്തനങ്ങളിലും നേരിട്ടുള്ള വിപണി ബന്ധം സ്ഥാപിക്കുന്നതിലും കര്‍ഷകരെ എഫ്.പി.ഒ-കളുമായി സംയോജിപ്പിക്കുക എന്നതും കുരുമുളക് കൃഷിയിലെ വരുമാന വര്‍ദ്ധനവിനു സഹായകമാകും.   

കശുവണ്ടി: 

കശുമാവ് കൃഷി വിസ്തൃതി, ഉല്പാദനം, ഉല്പാദനക്ഷമത 2012-20
       

                 കശുവണ്ടി, കൊക്കോ വികസന ഡയറക്ടറേറ്റിന്റെ കണക്കുകള്‍ പ്രകാരം 2021-22ല്‍ രാജ്യത്ത് അസംസ്കൃത കശുവണ്ടിയുടെ ഉല്‍പ്പാദനം 7.52 ലക്ഷം ടണ്ണായിരുന്നു. ഇത് 2020-21 നെ അപേക്ഷിച്ച് പതിനാലായിരം ടണ്ണിന്റെ വര്‍ദ്ധനവാണ്. ഈ കാലയളവില്‍ കശുവണ്ടിയുടെ കൃഷി വിസ്തൃതി 4 ശതമാനം വര്‍ദ്ധിച്ച് 11.84 ലക്ഷം ഹെക്ടറിലെത്തി. 2021-22ല്‍ അവസാനിക്കുന്ന കഴിഞ്ഞ അഞ്ചു വര്‍ഷത്തെ കണക്കുകള്‍ പ്രകാരം രാജ്യത്ത് കശുവണ്ടി കൃഷിയുടെ വ്യാപ്തിയില്‍ ക്രമാനുഗതമായ വര്‍ദ്ധനവ് രേഖപ്പെടുത്തി. അതേസമയം അസംസ്കൃത കശുവണ്ടിപ്പരിപ്പ് ഉല്‍പ്പാദനത്തില്‍ ഏറ്റക്കുറച്ചിലുകലുണ്ടായിട്ടുണ്ട്  

                  കശുവണ്ടിയുടെ ആഭ്യന്തര ഉല്‍പ്പാദനത്തിന്റെ 25.23 ശതമാനം സംഭാവന ചെയ്യുന്ന മഹാരാഷ്ട്രയാണ് ഇന്ത്യയിലെ കശുവണ്ടി കൃഷി ചെയ്യുന്ന സംസ്ഥാനങ്ങളില്‍ മുന്നിലുള്ളത്. തൊട്ടു പിന്നില്‍ 16.9 ശതമാനം സംഭാവന ചെയ്യുന്ന ആന്ധ്രാപ്രദേശാണ്. കൃഷി വിസ്തൃതിയില്‍ ഒറീസയാണ് മുന്‍പില്‍. 2.23 ലക്ഷം ഹെക്ടര്‍ പ്രദേശത്താണ് ഒറീസയിലെ കശുവണ്ടികൃഷി. തൊട്ടു പിന്നില്‍ 1.98 ലക്ഷം ഹെക്ടര്‍ വിസ്തൃതിയുമായി ആന്ധ്രാപ്രദേശാണ്. കശുവണ്ടി, കൊക്കോ വികസന ഡയറക്ടറേറ്റിന്റെ കണക്കുകള്‍ പ്രകാരം 2021-22ല്‍ ഇന്ത്യയില്‍ നിന്നുള്ള കശുവണ്ടി കയറ്റുമതി 51,908 ടണ്ണാണ്. ഇത് 2020-21 നെ അപേക്ഷിച്ച് 6.8 ശതമാനം കൂടുതലാണ്.

               കശുവണ്ടി കൊക്കോ വികസന ഡയറക്ടറേറ്റിന്റെ കണക്കുകള്‍ പ്രകാരം, കേരളത്തില്‍ കശുവണ്ടിയുടെ കൃഷി വിസ്തൃതി വര്‍ദ്ധിച്ചു. എന്നാല്‍ മുന്‍വര്‍ഷത്തെ അപേക്ഷിച്ച് ഉല്‍പ്പാദനം കുറഞ്ഞു. 2017-18ല്‍ 92,810 ഹെക്ടറായിരുന്ന കശുവണ്ടിയുടെ കൃഷി വിസ്തൃതി 2021-22ല്‍ 14.7 ശതമാനം വര്‍ദ്ധിച്ച് 1,06,520 ഹെക്ടറായി. ഇക്കാലയളവില്‍ സംസ്ഥാനത്തെ കശുവണ്ടിയുടെ ഉല്‍പ്പാദനം 88,180 ടണ്ണില്‍ നിന്നും 71,760 ടണ്ണായി കുറഞ്ഞു. 

തോട്ടവിളകൾ:

                 റബ്ബർ, തേയില, കാപ്പി, ഏലം എന്നീ നാല് തോട്ടവിളകളിൽ കേരളത്തിന് ഗണ്യമായ പങ്കുണ്ട്. ഈ നാല് വിളകളും ചേർന്ന് 7.11 ലക്ഷം ഹെക്‌ടർ കൈവശപ്പെടുത്തി, ഇത് സംസ്ഥാനത്തെ മൊത്തം കൃഷി വിസ്തൃതിയുടെ 27.7 ശതമാനമാണ്. ദേശീയ റബ്ബർ ഉൽപാദനത്തിൽ കേരളത്തിന്റെ പങ്ക് 72.6 ശതമാനമാണ്. 2020-21 വർഷത്തിൽ ഏലം, കാപ്പി, ചായ എന്നിവയിൽ യഥാക്രമം 91.3 ശതമാനം, 20.5 ശതമാനം, 5.2 ശതമാനം എന്നിങ്ങനെയായിരുന്നു വിഹിതം. വിശദാംശങ്ങൾ ചുവടെ നൽകിയിരിക്കുന്നു.

                  റബ്ബർ, തേയില, കാപ്പി, ഏലം എന്നീ നാല് തോട്ടവിളകളുടെ കൃഷിയിൽ കേരളത്തിന് ഗണ്യമായ പങ്കുണ്ട്. ഈ നാല് വിളകളും കൂടി 7.11 ലക്ഷം ഹെക്ടർ പ്രദേശത്ത് കൃഷി ചെയ്യുന്നു. സംസ്ഥാനത്തിന്റെ മൊത്തം കൃഷി വിസ്തൃതിയുടെ 28.2 ശതമാനം തോട്ട വിളകളാണ്.

                   കേരളത്തിന്റെ പങ്ക് 72 ശതമാനമായിരുന്നു. എന്നാല്‍ ഏലം, കാപ്പി, തേയില എന്നിവയുടെ ദേശീയ ഉല്പാളദനത്തിലെ പങ്ക് യഥാക്രമം 91 ശതമാനം, 20.4 ശതമാനം, 4.5 ശതമാനം എന്നിങ്ങനെയായിരുന്നു.സമ്പദ്വ്യടവസ്ഥയില്‍ തോട്ടവിളകളുടെ പങ്ക് കണക്കിലെടുത്ത് വിപുലീകരണത്തിനും പുനര്ന ടീലിനും ഉല്പ്പാ ദനക്ഷമത വര്ദ്ധങനവിനും പുറമേ തോട്ടവിളകളുടെ സംസ്കരണവും മൂല്യവര്ദ്ധ്നയും മെച്ചപ്പെടുത്തുന്നതിനുള്ള സംരംഭങ്ങളില്‍ ശ്രദ്ധ കേന്ദ്രീകരിക്കുന്നത് തോട്ടവിളകളുടെ വിപുലീകരണത്തിനും തോട്ടങ്ങളില്‍ നിന്നുമുള്ള വരുമാനം വര്ദ്ധിംപ്പിക്കുന്നതിനും സഹായകമാകും.

റബ്ബർ:

റബ്ബർ വിസ്തൃതി, ഉല്പാദനം, ഉല്പാദനക്ഷമത 2013-20  

                   റബ്ബര്‍ ബോര്‍ഡിന്റെ കണക്കുകള്‍ പ്രകാരം, 2021-22ല്‍ രാജ്യത്തെ പ്രകൃതിദത്ത റബ്ബറിന്റെ ഉല്‍പ്പാദനം മുന്‍വര്‍ഷത്തെക്കാള്‍ മെച്ചപ്പെട്ടു. 2021-22 ല്‍ പ്രകൃതിദത്ത റബ്ബറിന്റെ ഉല്‍പ്പാദനം 8.4 ശതമാനം വര്‍ദ്ധിച്ച് 7.75 ലക്ഷം ടണ്ണായി. ടാപ്പ് ചെയ്യാന്‍ കഴിയുന്ന 7.19 ലക്ഷം ഹെക്ടര്‍ പ്രകൃതിദത്ത റബ്ബര്‍ കൃഷിയില്‍ നിന്നും 5.27 ലക്ഷം ഹെക്ടറില്‍ മാത്രമാണ് പ്രകൃതിദത്ത റബ്ബര്‍ ഉല്‍പ്പാദനം നടന്നത്. ടാപ്പ് ചെയ്ത കൃഷിയിടത്തിന്റെ അടിസ്ഥാനത്തില്‍ കണക്കാക്കിയ ശരാശരി വിളവ് ഹെക്ടറിന് 1,442 കിലോഗ്രാമില്‍ നിന്നും ഹെക്ടറിന് 1,472 കിലോഗ്രാമായി വര്‍ദ്ധിച്ചു. വിളവ് വര്‍ദ്ധിച്ചതിനൊപ്പം ടാപ്പ് ചെയ്യാവുന്ന കൃഷിയിടത്തിന്റെ വിസ്തൃതി വര്‍ദ്ധിച്ചതും മുന്‍ വര്‍ഷത്തെ അപേക്ഷിച്ച് ടാപ്പ് ചെയ്യാവുന്ന കൃഷി വിസ്തൃതിയുടെ ശതമാനത്തിലെ വര്‍ദ്ധനവും പ്രകൃതിദത്ത റബ്ബര്‍ ഉല്‍പ്പാദനം വര്‍ദ്ധിപ്പിക്കുവാന്‍ കാരണമായി. റബ്ബര്‍ ഉല്‍പ്പാദന പ്രോത്സാഹന പദ്ധതി (ആര്‍.പി.ഐ.എസ്)യും അതിന്റെ നിരക്ക് കിലോയ്ക്ക് 170 രൂപയായി വര്‍ദ്ധിച്ചതും വര്‍ഷം മുഴുവനും ലഭിച്ച ലാഭകരമായ വിലയും ഉല്‍പ്പാദനം മെച്ചപ്പെടുത്താനുള്ള ഘടകങ്ങളായി മാറി. 2021-22ല്‍ രാജ്യത്ത് 12.38 ലക്ഷം ടണ്‍ പ്രകൃതിദത്ത റബ്ബറിന്റെ ഉപഭോഗം നടന്നു. ഇത് 2020-21ല്‍ ഉപയോഗിച്ച 10.96 ടണ്ണിനെക്കാള്‍ 12.9 ശതമാനം കൂടുതലാണ്. 2021-22ല്‍ പ്രകൃതിദത്ത റബ്ബറിന്റെ ഇറക്കുമതി, 2020-21ലെ 4.10 ലക്ഷം ടണ്ണില്‍ നിന്നും 33 ശതമാനം വര്‍ദ്ധിച്ച് 5.46 ലക്ഷം ടണ്ണായി. രാജ്യത്തില്‍ നിന്നുള്ള പ്രകൃതിദത്ത റബ്ബറിന്റെ കയറ്റുമതിയുടെ അളവ് 2020-21 ല്‍ 11,343 ടണ്ണായിരുന്നത് 2021-22 ല്‍ 3560 ടണ്ണായി കുറഞ്ഞു.